سبحان الله:
الطفل الرضيع ده مليان تناقضات ورغم ان حبه حلوين وحبه أع أع الا ان كده كده بنموت فيه
شوف فيه منتهى الضعف والقوة
قمة البساطة فى احتياجاته لكن عيشى بقى مع اهتمامك بيه
محدد وواضح ومبهم وغامض
جذاب ولذيذ وعامل للبيت حس وصوت وفى نفس الوقت مؤرف ومزعج وابن ...... تيييييييييييييييت
النونو الصغنن الجميل ده منتهى الضعف فى جسمه ورقته وأد ايه بيبقى ضعيف وهش يا حرام مش حمل هفه لكن قوته فى تأثيره علينا لو عيط, لو دحك , لو حتى أتاوب انا ببقى هموت على بنتى واكيد كل ام حست بده فى وقت من الاوقات
اما بساطته تشوفها فى طلباته مام و وككاه ويصبح على خير ويعنى اذا احتاج حد يلاعبه شوية
يعنى شفت او بارت تايم حد يعمله اراجوز
بس لحظة
بس لحظة
صعب مووووووووووووووووووووت مش سهل وعايز صبر وتحمل وطولة بااااااااااااااااااااااااااااااااااال
يالهوى
الله يكون فى عون الامهات الصبر من عندك يارب
عن نفسى ساعات اقعد ابص لبنتى واحمد ربنا اوى عالنعمة دى واوقات تانية هى بتخلينى اقول يارب انا عملت ايه فى دنيتى استاهل عليه العقاب ده
